couster

COUSTER. v. n. Estre acheté un certain prix. Couster peu. couster beaucoup. couster cher. ne couster guere. couster trop. cela couste plus qu'il ne vaut. combien vous couste, que vous couste cette estoffe, ce vin, ce cheval, cette maison, cette terre &c. cela a cousté cent escus. l'entretien d'un cheval, d'un carrosse couste tant. il luy en a cousté son bon argent. je veux avoir cela, quoy qu'il couste, qu'il en couste. cela luy couste bonne, luy couste bon. ces biens là ne luy coustent guere.

Il signifie aussi, Estre cause de despense, de perte, de douleur, de peine, de soin. Je ne veux point plaider, les procés coustent trop. tous frais faits il m'en couste tant. il couste beaucoup à bastir. combien pensez- vous que ce fils luy couste? il luy couste plus d'argent qu'il n'est gros. il a fait une folie qui lui a cousté cher, qui luy couste tout son bien. il luy en a cousté un bras pour avoir esté à la guerre. il vous en coustera la vie. il vous en coustera la teste. il ne vous en coustera qu'une saignée. cette perte luy a cousté bien des soupirs, des larmes. cet ouvrage luy couste bien des veilles. cette recherche luy a cousté bien du temps, luy couste un grand soin, un grand travail. la peine qu'il m'en couste. cette ode, cette harangue est belle, mais sans doute elle vous a-bien cousté.

On le met quelquefois absolument & sans regime. Tout couste en ce monde. les procés, les voyages coustent. il faut faire cette affaire quoy qu'il en couste.

On dit figur. qu'Une chose ne couste guere à un homme, pour dire, qu'Il ne la mesnage point, qu'il la prodigue. Vraiment l'argent ne luy couste guere, ce General expose ses troupes à tout moment, les hommes ne luy coustent guere.

On dit, que Rien ne couste à un homme, pour dire, qu'Il n'espargne rien, ou qu'il ne trouve rien difficile. Quand il fait l'amour, quand il est question d'obliger ses amis, rien ne luy couste.

On dit au contraire, que Tout luy couste, pour dire, qu'Il a peine à faire tout ce qu'il fait. Il fait plaisir à regret, tout luy couste. il a bien de la peine en toutes ses productions d'esprit, tout luy couste.

Dictionnaire de l'Académie française . 1964.